Այսօր մի շարք հրապարակումներից հայտնի է դարձել, որ մահացել է ճանաչված ու հարգված բժիշկ Գերոգի Կիմիչը։
Նրա մահվան պատճառը Կովիդն է եղել։ Ինչպես հայտնի է, նա հանրահայտ դերասանուհի Լուիզա Ղամբարյանի ամուսինն էր։
Օրեր առաջ հայտնի էր դարձել, որ Լուիզա Ղամբարյանն իր գործընկերների հետ դադարեցրել է նկարահանումները և ինքնամեկուսացման անցել, քանի որ դերասաններից ու նկարահանող խմբի անդամներից շատերը վարակվել էին կորոնավիրուսով։
Ցավոք, ակտիվ ու հայտնի բժիշկը չկարողացավ հաղթահարել հիվանդությունը։ Դեպքը տեղի է ունեցել այսօր առավոտյան։
Բժշկի ցավալի մահվան առիթով ափսոսանքով լի հրապարակումներ են արել շատերը։
Նշենք, որ Լուիզան ու Գերոգին ունեն մեկ դուստր։ Իսկ մինչ այդ բժիշկն ամուսնացած է եղել հայտնի պարուհի Սոֆի Դևոյանի հետ։
Նրանք մեկ որդի են ունեցել համատեղ կյանքում։ Գերոգին ծնվել ու մեծացել է բժշկի ընտանիքում։ Նրա մայրը ևս բժիշկ է եղել։