Եթե փնտրում եք արագ և խնայող տարբերակ, որով կցանկանաք զարմացնել հյուրերին, ապա «Սնիկերս» տորթն այն է, ինչ պետք է։ Այն պատրաստվում է 45րոպեից էլ արագ՝ առանց թխելու։
Շոկոլադե մածուկի համար
Վաֆլիի շերտեր՝ 4հատ
Կակաոյի փոշի՝ 3ճ/գ
Շաքարավազ՝ 3ճ/գ
Թթվասեր՝ 2ճ/գ
Կաթ՝ 3ճ/գ
Կարագ՝ 2ճ/գ
Միջուկի համար
Թխվածքաբլիթ՝ 1տուփ
Կարագ՝ 200գ
Խտացրած կաթ՝ 1տուփ
Ընկույզ՝ 100գ
Պատրաստման եղանակը
Շոկոլադե մածուկի համար անհրաժեշտ բաղադրիչները կաթսայում միավորել և եփել թույլ կրակին՝ առանց դադարի խառնելով՝ մինչ կեռա։ Շերտերը զույգ առ զույգ անել, մի շերտին քսել մածուկը և ծածկել մյուսով։
Միջուկի համար սենյակային ջերմաստիճանի կարագը հարել՝ ներմուծելով խտացր․ կաթը։ Կրեմապատել զույգ շերտերից մեկը, վրան ցանել ընկույզ և մանրացրած թխվածքաբլիթ, ապա մնացած կրեմի ցանգվածը։ Վրայից ծածկել մյուս զույգ շերտերով և հավասարեցնել ծայրերը։ Տորթը թողնել սառնարանում 4-5ժամ։