«Նուտելա»-ն շատ հեշտ է պատրաստել անգամ տնային պայմաններում։ Բացի այն, որ արագ է պատրաստվում, դա շատ լավ նախաճաշ կարող է դառնալ։
Համով այդպիսի «Նուտելա»-ն չի տարբերվում նրանցից, որոնք խանութներում են վաճառվում։
Բաղադրիչներ՝
350 մ/լ բուսական յուղ (առանց հոտի),
0․5 բաժակ շաքարի պուդրա (կարելի է նաև միայն շաքարավազ օգտագործել),
2-3 ճ/գ փոշի կաթ,
0․5 բաժակ ընկուզեղեն,
150 մ/լ կաթ,
2-3 ճ/գ կակաո,
վանիլ՝ ըստ ճաշակի։
Կաթը տաքացնել այնպես, որ շատ տաք չլինի, հավելել շաքարավազն ու վանիլը։ Հետո ավելացնել բուսական յուղը և հարել բլենդերով առավելագույն արագությամբ։ Հավելել փոշի կաթն ու կակաոն և կրկին հարել։
Վերջում ավելացնել ընկուզեղենը և նորից հարել։ Ընկուզեղեն կարելի է նաև չավելացնել, իսկ ավելացնելու դեպքում ըստ ձեր նախասիրությունների։
Ահա և վերջ։ 5 րոպեի ընթացքում ամենահամեղ «Նուտելա»-ն պատրաստ կլինի։