Հոլիվուդյան հայտնի դերասան քառասունյոթամյա Ջուդ Լոուի և նրա երեսուներեքամյա կնոջ՝ Ֆիլիպա Քոենի ընտանիքում համալրու է։ Ծնվել է նրանց համատեղ բալիկը, որը Լոուի համար վեցերորդն է, իսկ Քոենի համար առաջինը։
Բալիկի ծնվելու մասին հայտնի է դարձել պապարացիների շնորհիվ․ օրերս նրանք լուսանկարել են Ջուդին կնոջ հետ Լոնդոնյան զբոսանքի ընթացքում։ Ֆիլիպայի կազմվածքից պարզ է դառնում՝ նա այլևս հղի չէ։ Մինչ այդ կնոջը հանրության առջև տեսել են հունիսին՝ հղիության վերջին շաբաթներին։
Երբ է տեղի ունեցել ուրախալի իրադարձությունը, ինչպես նաև բալիկի սեռն ու անունը հայտնի չեն։ Երջանիկ ծնողները չեն մեկնաբանել լուրերը։ Ֆիլիպայի հղիության մասին հայտնի է դարձել մարտին, երբ համացանցում են հայտնվել նրա՝ կլորիկացած փորիկով լուսանկարները։
Հիշեցնենք՝ զույգն ամուսնացել է 2019-ի ապրիլին՝ չորս տարվա հարաբերություններից հետո։ Քոենը մասնագիտությամբ հոգեբան է։ Նա գիտությունների դոկտոր է։
