«Varks.am»-ի լուծարային հանձնաժողովը կարևոր հայտարարություն է տարածել՝ նշելով՝ մինչ ապրիլի 1-ը 2020 թվականի բոլոր հաճախորդները, որոնք ունեն ժամկետանց պարտքեր, տոկոսները, միջնորդավճարները, տույժ ու տուգանքները զիջվելու են, եթե մասնակի կամ ամբողջական մայրգումարային մարում կատարվի։
Եթե վերոնշյալ օրվա դրությամբ հաճախորդը ոչինչ չունի ժամկետանց, առաջիկա երկու ամիսներին չի հաշվեգրվի լրացուցիչ որևէ գումար ու երկու ամսվա համար նրանք ժամկետանց չեն լինի։
Եթե հաճախորդը ժամկետանց է դարձել մարտի 15-ից 31-ը, այդ տվյալները չեն արտացոլվի ԱՐՔԱ-ում, բայց պարտքերը մարելու պարտականութունից չեն ազատվում։
Կազմակերպությունը նաև հորդորել է վճարումները հնարավորության դեպքում օնլայն կատարել՝ կորոնավիրուսյան ախտից պաշտպանվելու համար։ Հաշվի առնելով շփման շրջանակները՝ հորդորվել է հնարավորինս քիչ առնչություն ունենալ գրասենյակների ու բանկերի հետ՝ սոցտարածությունն ու ինքնամեկուսացումը հնարավորինս քիչ խախտելու համար։ Սա անչափ կարևոր է համավարակային այս բարդ շրջանից հաղթող դուրս գալու համար։
