Անկրկնելի երգիչ, տաղանդաշատ Ավո Ադամյանը հուզիչ պրեմիերա է ներկայացրել` «Տղերքը չկան»: Խոսքերն ու երաժշտությունը հեղինակել են Ավո Ադամյանն ու Վարդան Գալստյանը։ Գործիքավորումն ու ձայնագրությունը՝ Գևորգ Հովհաննիսյանի։
Այս օրերին ընդառաջ անչափ հուզիչ է ստացվել ռեժիսոր Հովհաննես Ղազարյանի աշխատանքը, որը լավագույնս ներկայացրել է դերասանուհի Ռոզի Ավետիսովան։
Ավոն անչափ հուզառատ է ներկայացրել իր պրեմիերան՝ մի քանի բառով իր հոգու խոսքն արտահայտելով․ «Տղերքը չկան, գնացին, չեկան, ուշացան, երևի նեղացան… Այո´, մայրերի աղոթքի դեմ մահն էլ է անզոր: Մի´ դադարեք աղոթել, մի´ դադարեք սպասել:
Գործենք հանուն կրոնի, ազգի, հայրենիքի, ընտանիքի, ծանոթի ու անծանոթի, հանուն որբացած երեխայի, հանուն անլույս մնացած օջախի, հանուն այսօրվա ու վաղվա գոյության պայքարի, հետ չեկած զի նվորի կիսատ թողած կյանքի ու վառ երազանքի: Պարտավոր ենք ապրել, բայց ափսոս, որ տղերքը չկան»,- նշել է նա։
