«Վարդիկներ» կոչվող սալորե կեքսերը ոչ միայն համեղ են, այլև շատ գեղեցիկ։ Դրանք պետք է պատրաստել հասած, բայց պինդ սալորով։ Եթե սալորները հյութեղ են, ապա յուրաքանչյուր կտորը պետք է օսլայի մեջ թաթախել։ Կեքսերը կարելի է պատրաստել նաև խնձորով կամ դեղձով։ Այն պատրաստելու համար 1 ժամ անհրաժեշտ կլինի։
Բաղադրիչներ՝
170գ․ ալյուր,
30գ․ կարտոֆիլի օսլա,
1 թ/գ փխրեցուցիչ,
2 հավկիթ,
1 ճ/գ վանիլային շաքար,
100 մ/լ բուսական յուղ կամ հալեցված սերուցքային կարագ,
½ թ/գ աղացած մեխակ,
½ թ/գ աղացած դարչին,
6-7 սալոր։
Հավկիթները հարել շաքարավազի հետ և խառնել։
Օսլան և փխրեցուցիչը հավելել ալյուրին, խառնել համեմունքները։
Հավկիթե խառնուրդը լցնել ալյուրե խառնուրդի վրա և գդալով խառնել այնքան, մինչև դառնա միատարր զանգված։
Լվացած և կորիզները հեռացրած սալորները կտրատել բարակ շերտերով։
Թխելու համար նախատեսված տարաների մեկ երրորդ լցնել խմորով, դրանց վրա վարդի նման դնել սալորե շերտերը։ Սալորները պետք է խիտ-խիտ շարել։
Կեքսերը թխել 180 աստիճան ջերմաստիճանի ներքո, 25-30 րոպե։
Սալորե կեքսերը կարելի է ուտել ինչպես տաք, այնպես էլ սառը վիճակում։