Սամվել Գևորգյանն արցախյան վերջին պատերազմի ժամանակ անմահության ուղի բռնած մեր հերոս զինվորներից է։ Սամվելը ծնվել էր Արարատի մարզի Գինեվետ գյուղում։ Սամվելի ընտանիքը շուտով Ռուսաստան է տեղափոխվել՝ հաստատվելով Մոսկվայում։
Կենսուրախ, ընկերասեր ու կատակասեր Սամվելը դեռ դպրոցական տարիներից աչքի է ընկել իր ուշիմությամբ, սիրել է շախմատը, ակտիվորեն զբաղվել է շախմատով և ուներ նաև հաղթանակներ շախմատային ոլորտում։
Սամվելին Հայաստան է բերում հայրենիքի հանդեպ ունեցած մեծ սերը։ Նա շուտով անցնում է զինծառայության։ Զորակոչվելով բանակ՝ Սամվելն իր զինծառայության շրջանն անց է կացնում Մատաղիղի զորամասերից մեկում։ Սամվելը մեծ ոգևորությամբ ու նվիրումով է ծառայում՝ պահպանելով հայրենի եզերքի ապահովությունը։
Ցավոք սրտի, Սամվելի զինծառայության շրջանը, ինչպես և նրա հասակակաից շատերինը, հայրենիքի համար չակատագրական իրադարձությունների հետ է համընկնում։ Սամվելը պատերազմական իրավիճակում ևս իրնե խիզախաբար է դրսևորում՝ արժանանալով պատվոգրերի։
Մայրը որդուց վերջին հեռախոսազանգը ստանում է հոկտեմբերի վեցին, իսկ յոթին արդեն Սամվելը միացել էր մեր անհամացած հերոս քաջերին։