Մենք՝ հայերս, անչափ ուրախանում ենք, երբ հայրենիքում չմեծացած որևէ հայ սկսում է խոսել հայերեն, մանավանդ, երբ այդ հայը հայտնի դեմք է և ճանաչված:
Ահա, մենք չգիտեինք , որ հայտնի հայուհի Քիմ Քարդաշյանի քույրը՝ Քորթնի Քարդաշյանը, կարող է խոսել հայերեն: Նրա այդ ՛՛տաղանդը՛՛ բացահայտվել է այն ժամանակ, երբ նրանք ճաշում էին հայկական ռեստորաններից մեկում՝ Լավաշ ռեստորանում:
Լավաշ ռեստորանի տնօրեն Վանիկ Գաբրիելյանի խոսքերով Քորթնին իրենց անակնկալի է բերել և զարմացրել հայերենի սահուն խոսքով: Քորթնին շփվել է մատուցողների հետ բացառապես հայերեն լեզվով:
Ըստ նրա պատվավոր հյուրերը շատ են հավանել հայկական թփով տոլման, նոր ճաշատեսակներից՝ ընկյուզով պաշտետը, ճաշակել են նաև հայկական խորովածը, ձուկ ու բրինձ, ինչպես նաև կոմպոտներ: Մատուցվել է նաև հայկական ավանդական ղափաման:
Հայտնի հյուրերը հավանել են ռեստորանի հյուրընկալությունը , երկար չեն մնացել, հեռացել են խիտ գրաֆիկի պատճառով: