Ժամանակակից աշխարհում մարդը միշտ շտապում է և ժամանակը չափազանց սուղ է, սակայն այդ ամենի հետ մեկտեղ մարդը նաև սիրում է համեղ ուտել։ Այդ պատճառաով մենք ընտրում ենք ամենահեշտ բաղադրատոմսերը և առաջարկում ձեզ։
Այսօր մեր ընտրությունը կանգ է առել Շտրուդել թխվածքի վրա, որը անչափ համեղ է և կարող է պատրաստել յուրաքանչյուրը, քանի որ այն շա՜տ հեշտ է:
Անհրաժեշտ է՝
Շերտավոր խմոր — 1 գունդ
Խնձոր — 2 հ․
Շաքարավազ — 5 ճ․գ․
Կարագ — 20 գ
Չամիչ — 2 ճ․գ․
Դարչին — 0,5 թ․գ․
Թավայի մեջ տապակել քառակուսի կտրատած կլպած խնձորը, ավելացնել շաքարավազը և մյուս բաղադրիչները: Միասին եփել մոտ 3 րոպե: Խմորը ուղղանկյունաձև բացել ,կենտրոնում լցնել միջուկը և երկու կողմից հյուսելով փակել: Թխել 200 աստիճան տաքացած ջեռոցում այնքան, մինչ կկարմրի:
Վրան ցանել 1թեյի գդալ շաքարի փոշի: Մատուցել տաք կամ գոլ վիճակում, ըստ ճաշակի՝ պաղպաղակով: Այն ամառային դեսերտ է համարվվում և պաղպաղակի հետ հիանալի համադրություն է ստեղծում։
