ԱԻՆ հիդրոմետ ծառայությունը հիանալի լուր է հայտնում այս օրերին շոգից տանջվող բոլոր քաղաքացիների համար։ Շոգերը, վերջապես, նահանջում են։ Երկրի ողջ տարածքում հուլիսի քսանհինգին և քսանյոթին որոշ հատվածներում, իսկ քսաներեքին և քսանչորսին գրեթե ամենուր անձրև և ամպրոպ կլինի, քամու ուժգնություն՝ քսան — քսանհինգ մ/վ։
Որոշ հատվածներում նաև կարկուտ կտեղա։ Ամսի քսանվեցին տեղումներ չեն լինի։ Քամին երեք — ութ մ/վ։ Ու, ամենակարևորը, կցրտի ութից տասն աստիճանով։
Երևանում ամսի քսաներեքի և քսանչորսի երեկոյան կարճ ժամանակով անձրև կգա ու ամպրոպ կլինի, նաև ուժեղ քամի։ Քսանհինգ — քսանյոթին՝ առանց տեղումների եղանակ։
Իրապես, սա հիանալի լուր է հատկապես այն պարագայում, որ վերջին շաբաթներին պարբերաբար անոմալ շոգ եղանակ էր, անգամ հակացուցված էր դրսում գտնվել՝ շոգի պատճառով։ Հիմա, կարծես, ամենը բարելավվում է, և մտնում նորմայի մեջ՝ այս եղանակային պայմաններին հարիր։
