Հրաշք զույգ Բեն Ավետիսյանը և Դիանա Տոնոյանը երեկ նշանադրվել են։ Դերասանի և դիմահարդարի նորանշան միությունն անչափ մեծ շուքով է նշվել։ Հրավիրյալ հայտնիները տոնակատարության ընթացքում, նորանշան զույգի հետ միասին, լողավազանն են նետվել՝ հիշարժան դարձնելով այդ հիանալի օրը։
Այսօր և՛Բենը, և՛ Դիանան տեսահոլովակներ են հրապարակել իրենց նշանադրությունից՝ ցուցադրելով օրվա լավագույն և հիշարժան պահերը։
Բենը հուզառատ գրել է․ «Բարով եկար, նշանված կյանք։ Կարող եք շնորհավորել, ընկերնե՛ր, կայացավ մեզ համար ամենակարևոր օրերից մեկը։ Ուրախ եմ, որ ունեմ քեզ իմ կյանքում։ Շնորհակալ եմ Աստծուն, շնորհակալ եմ իմ ընկերներին, շնորհակալ եմ բոլորիցդ՝ բարի ու լավ մաղթանքների համար»։
Դիանան նույնպես սիրառատ գրել է․ «Շնորհակալ եմ քեզ, որ իմ կյանքը լցրեցիր սիրով։ Մենք արդեն նշանվեցինք, արդեն բոլորդ կարող եք շնորհավորել։ Ինչպես ասում են՝ տարոսը ձեզ սիրելիներս»։
