Արցախի տեղեկատվական շտաբը հայտնել է՝ կորոնավիրուսյան ախտի կասկածանքով մեկուսացվածների համար բուժհիմնարկներում հատուկ հիվանդասենյակներ են առանձնացվել։ Արցախը վարակի դեմ պայքարի միջոցառումների շրջանակում նախապատրաստվում է՝ անհրաժեշտ պահին մեկուսացումը կազմակերպելու նպատակով։
Թեև ներկայումս Արցախում կորոնավիրուսով հիվանդ հաստատված դեպք չկա։ Չկան նաև կասկածով մեկուսացվածներ։ Այնուամենայնիվ, արցախյան առողջապահության նախարարությունն անհրաժեշտ է համարել նախօրոք նախապատրաստվել հնարավոր վտանգներին՝ դրանք լինելու դեպքում արագ ու ճիշտ արձագանքման ու հեռացման համար։
Սա անչափ կարևոր է այն պայմաններում, որ հիմա հայաստանյան դեպքերը հասել են 822-ի ու նախարար Արսեն Թորոսյանի խոսքով՝ դինամիկան լավը չէ․ յոթ օրում դեպքերը կրկնապատկվում են ու ապրիլի կեսերին կհասնեն 2000-ի։
Այս պարագայում պետք է գիտակցել՝ ամենակարևորն ինքնամեկուսացած վիճակում հիգիենայի կանոնների պահպանումն է, ինչը կպաշտպանի առաջին հերթին խոցելի խմբին՝ տարեցներին ու քրոնիկ հիվանդություններով տառապողներին։ Սա անչափ կարևոր դիտարկում է, որին պետք է հետևել։
