Հայ գեղեցկուհի աստղերը կարանտինային առօրյան յուրահատուկ կերպով են կազմակերպում։ Չձանձրանալու ու տանը «չթթվելու» համար Սոֆի Դևոյանը մայրիկի՝ Զարուհի Բաբայանի հետ նոր ֆլեշմոբ են կազմակերպել՝ ընդգրկելով հայտնիներին։
Սոֆին տեսանյութի մեկնաբանություններում նշել է՝ այն շատ լուսավոր է ստացվել, քանզի իրենց են միացել սիրված մայրիկները՝ իրենց հրաշք դստրիկների հետ։
Տեսանյութում նախ մայրիկներն ու դստրիկները շպարվում են, ապա ցույց են տալիս արդյունքը։ Անչափ գեղեցիկ է ստացվել։ Շլացուցիչ տես են ստացել հայտնիները՝ ինքնուրույն դիմահարդարվելուց հետո։
Ֆլեշմոբին մասնակցել դիմահարդար Ագա Քանքանյանը, Անուշիկ Ալավերդյանը, Մանե Գրիգորյանը, Ալլա Լևոնյանը, Դիանա Շատվերյանը, Լուիզա Ղամբարյանը՝ դստեր՝ Գաբիի հետ, Զարուհի Բաբայանը՝ Սոֆի Դևոյանի հետ, Սիլվա Հակոբյանը՝ փոքրիկ հրաշք Միլայի հետ։
Հետևորդներն անչափ հավանել են տեսանյութը և բոլոր մասնակիցների էջերում բազում դրական մեկնաբանությունների արժանացրել այն։ Մի քանի ժամ առաջ հրապարակված տեսանյութը կայծակնային արագությամբ տարածում է ստացել։