Սերժ Սարգսյանի այսօրվա խոսքը բավականին բուռն կերպով է ընդունվել Նիկոլ Փաշինյանի կողմից։ Սերժ Սարգսյանը, քննադատելով գերիների հարցում ներկայիս ղեկավարության անտարբերությունը, մասնավորապես առաջարկել էր, որ Ն․ Փաշինյանն իր տղային՝ Աշոտին, փոխարինի մեր բոլոր գերիների դիմաց։
Այս հայտարարությանն ի պատասխան՝ Ն․ Փաշինյանն իր պաշտոնական համաձայնությունն է տվել՝ ասելով, որ ինքը թույլ է տալիս Ս․ Սարգսյանին ու Ռ․ Քոչարյանին գնալ ու բանակցել Ալիևի հետ Աշոտինին բոլոր գերիներով փոխարինելու հարցի շուրջ։
Նա հավելել է, որ համաձայն է, թող որ մասնակցեն նաև Կարմիր Խաչի և այլ պատասխանատու կազմակերպությունների ներկայացուցիչներ։
Ն․ Փաշինյանը նաև հավելում է, որ ինքն ամենևին էլ էմոցիոնալ ֆոնի վրա չէ, որ նման հայտարարություն է անում։ Նա վերստին շեշտում է իր խոսքի պաշտոնական լինելը։
Ն․ Փաշինյանի խոսքի այս հատվածի տեսագրությունը կարող եք դիտել վարը կցված նյութի մեջ։
