«Շոկոլադե պաղպաղակ» տորթը հրաշք է պարզապես՝ ընկույզով համեմված սպիտակուցային խմոր և կակաոյի ու կոնյակի նուրբ հնչյուններով կրեմ։
Անհրաժեշտ է
Սպիտակուց՝ 10հատ
Շաքարափոշի՝ 240գ
Օսլա՝ 2ճ/գ
Ընկույզ՝ 380գ
Շոկոլադ, թխվածքաբլիթ և ընկույզ՝ զարդարելու համար
Կրեմի համար
Դեղնուց՝ 10հատ
Շաքարափոշի՝ 160գ
Կակաոյի փոշի՝ 2ճ/գ
Կաթ՝ 100մլ
Կարագ՝ 200գ
Վանիլաշաքար՝ 8գ
Կոնյակ՝ 1ճ․գ
Ինչպես պատրաստել
Սպիտակուցը հարել՝ մինչ փրփրի։ Ներմուծել շաքարափոշի՝ շարունակելով հարել։ Հավելել օսլայով և մանրացրած բոված ընկույզով՝ խմորի վերածելով։ Խմորը լցնել թավայի վրա՝ նախապես պատելով այն թղթով։ Թխել 180աստիճանի ներքո՝ 35րոպե։
Կրեմի համար դեղնուցը և շաքարափոշին միավորել՝ հարելով մինչ միասեռ զանգված և շարունակելով հարել ներմուծել կաթը։ Զանգվածը եփել թույլ կրակին՝ առանց դադարի խառնելով մինչ պատրաստ լինի։ Սառեցնելուց հետո ներմուծել կարագն ու հարել։ Ներմուծել վանիլաշաքարն ու կակաոն, կոնյակը։
Խմորաշերտը բաժանել երեք մասի, կրեմապատել և շարել իրար վրա և կրկին կրեմապատել։ Զարդարել, թողնել սառնարանում 5-6ժամով և մատուցել։