Այս հրաշալի տորթն անտարբեր չի թողնի ոչ մեկին։ Վաֆլիով տնական տորթը մատչելի ու հեշտ տարբերակ է երեկոյան թեյախմության համար։
Անհրաժեշտ է
Կարագ՝ 300գ
Շաքարավազ՝ 250գ
Դեղնուց՝ 5հատ
Կակաո՝ 3ճ/գ
Փխրեցուցիչ՝ 18գ
Թթվասեր՝ 5ճ/գ
Ալյուր՝ 3ճ/գ
Վաֆլիի շերտեր՝ 1տուփ
Միջուկ
Շաքարավազ՝ 10ճ/գ
Մուրաբա՝ 6ճ/գ
Սպիտակուց՝ 5հատ
Ընկույզ՝ 200գ
Ծիրանաչիր՝ 200գ
Կրեմի համար
Կարագ՝ 400գ
Խտացրած կաթ՝ 400գ
Պատրաստման եղանակը
Հարել շաքարավազը կարագի հետ՝ ներմուծելով դեղնուցները։ Լավ հարել։ Ավելացնել թթվասեր, ալյուր, փխրեցուցիչ և կակաո։ Խմորը կիսել երկու մասի՝ մեծ (2/3-ի չափով) և փոքր (1/3-ի չափով)։ Մասերը կիսել երեք մասի ու դնել սառնարանը՝ մեկ ժամով։ Միջուկի համար հարել սպիտակուցն ու շաքարավազը՝ ներմուծելով ընկույզն ու ծիրանաչիրը՝ կտարատած։
Խմորը գրտնակել, վրան մուրաբա քսել, պատել սպիտակուցային զանգվածի 1/3ով և վրան քերել փոքր խմորի 1/3 մասը։ Թխել 10 աստիճանի ներքո՝ 25-30րոպե։ Նույնն անել մյուս խմորների հետ։ Կրեմի համար միավորել խտացրած կաթն ու կարագը՝ լավ հարելով։ Հավաքել տորթն իրար վրա և զարդարել՝ ըստ ցանկության։