Այսօր տաղանդաշատ գուսան Հայկազունը բոլորում է ծննդյան յոթանասուն տարին։ Նա այն բացառիկ մշակութային գործիչներից է, ով ոչ միայն մշակութային գործունեությամբ է զբաղվել, այլ նաև ակտիվորեն մասնակցել է հայրենի սահմանների անառիկության պաշտպանության համար տարվող պայքարին։
Գուսանի իրական անունը քչերը գիտեն, որ Գագիկ Նազարյան է։ Նա ստեղծագործել սկսել է դեռ դպրոցական վաղ տարիներից։ Գագիկ Նազարյանի գործերի հիմնական թեման հայրենիքն ու հայրենասիրությունն է։
Գուսան Հայկազունը նաև անդամ է «Երկրապահ» կամավորական ջոկատի։ Երաժիշտը հրաշալիորեն կարողացել է ներդաշնակել ու համադրել հայրենիքի համար պայքարն ու այդ պայքարը ակտիվ պահելու համար ստեղծված գեղարվեստական ստեղծագործությունները։
Գուսանի «Հայեր, միացեք»-ը, «Գետաշեն»-ը, «Պիտի գնանք վաղ թե ուշ»-ը և շատ այլ երգեր դարձել են Արցախի ազատության յուրատեսակ օրհներգ, որոնք սիրով հնչեցվում են նաև այսօր։
Գուսանը ղոկավարում է «Հայկազունք» երաժշտական համույթը։ Համույթն ամեն տարի համերգներով հանդես է գալիս Արցախում, Սփյուռքում և հայաստանյան տարբեր վայրերում։
