Համախմբման և հասարակական աջակցության պակաս այս օրերին կառավարությունը չի զգում: Երկիրը ճգնաժամային վիճակից հանելու համար իրենց աջակցություն են հայտնել ու շարունակում են հայտնել հանրահայտ անհատներ և տարատեսակ կազմակերպություններ:
Այսօր ֆեյսբուքյան հայտարարություն է տարածել երգիչ Արման Հովհաննիսյանը: Նա իր պաշտոնական էջում հայտարարել է, որ միացել է սննդի կազմակերպությունների նախաձեռնած բարեգործական ծրագրին և պատրաստվում է աջակցել վիրուսի տարածման դեմ պայքարող ղեկավարությանը:
Այս դեպքում բարեգործական ծրագիրը նախատեսվում է իրականացնել Ծաղկաձորի «Golden Palace» հյուրանոցային համալիրում և «Նորք» ինֆեկցիոն կլինիկական հիվանդանոցում: Կազմակերպիչները պատրաստվում են ամեն օր սննդով ապահովեն այնտեղ բուժում ստացող կամ մեկուսացման մեջ գտնվող քաղաքացիներին և այն աշխատակազմին, ովքեր զբաղվում են նրանց խնամքի կազմակերպմամբ և իրականացմամբ:
Ա. Հովհաննիսյանը տեղեկացնում է, որ ամեն օր թարմ մսից պատրաստված խորոված են ուղարկելու նշված վայրեր: Բացի այս, երգիչն իրենց նախաձեռնությանը միանալու կոչ է անում: Կից ներկայացնում ենք Ա. Հովհաննիսյանի գրառոմն ամբողջությամբ:
