Տանձեր՝ շոկոլադե լցոնով և պաղպաղակով․ բաղադրատոմս

Ընկերներին զարմացնելու համար կարող եք պատրաստել տանձ՝ շոկոլադե լցոնով և պաղպաղակով։ Դա նրանց միանշանակ դուր կգա։

Լցոնի համար կարևոր է ձեռք բերել որակյալ շոկոլադ՝ առնվազն 56 տոկոս կակաոյի պարունակությամբ։

Շոկոլադե լցոնով և պաղպաղակով տանձը պատարստելու համար Ձեզ 1․5 ժամ անհրաժեշտ կլինի։

Բաղադրիչներ՝

8 տանձ,

կիտրոնի միջուկ,

նարնջի միջուկ,

1 վանիլ,

200գ․ մանր շաքարավազ (ցանկալի է՝ շագանակագույն),

1 փայտիկ դարչին,

600 մ/լ սպիտակ գինի,

վանիլային պաղպաղակ՝ մատուցելու համար։

Շոկոլադե լցոնի համար հարկավոր է՝

300 գ․ կտրատված սև շոկոլադ,

300 մ/լ յուղային սերուցք,

150 մ/լ կաթ,

25գ․ սերուցքային կարագ։

Մաքրել տանձը, զգուշորեն հանել միջուկը։ Այնպես կտրել, որ հնարավոր լինի միրգն ուղղահայաց դնել։

Տանձերը՝ միջուկների հետ, վանիլի պատիճների, շաքարավազի, դարչինի, սպիտակ գինումև 600 մ/լ ջրով դնել սոթեյնիկում, հետո եռացնել։ Կրակը նվազեցնել և եփել 20-25 րոպե՝ մինչև ամբողջությամբ պատրաստ կլինեն։ Թույլ տալ, որ դրանք սառչեն հեղուկի մեջ։ Տանձերը կարելի է պատրաստել և սառեցնել մատուցելուց մեկ օր առաջ։

Երբ թուրմը հալչի, դրանից հանել տանձերը։ Քամիչով անցկացնել մրգահյութը և կրկին լցնել կաթսայի մեջ։ Եփել, մինչև ծավալը երկու անգամ չնվազի։

Լցոնի համար շոկոլադը հալեցնել ջրային գոլորշու վրա։ Տաքացնել սերուցքը և կարագը կաթսայում։ Խառնել երկու զանգվածները, որ միատարր զանգված ստացվի։

Տանձերը մատուցել մրգահյութի մեծ քանակությամբ, շոկոլադե լցոնով և վանիլային պաղպաղակով։