Սերբիայից այսօր հրաշալի ու կարևորագույն չվերթ է ժամանել երևանյան օդանավակայանում։ Այսօր մարդասիրական օգնությամբ բժշկական սարքեր ու պարագաներ են բերվել, իսկ վաղը ևս մեկն է գալու։
Կորոնավիրուսյան համավարակային այս ծանր օրերին հսկայական օգնություն է սա մեր երկրի համար։ Սերբիան առաջին անգամ չէ օգնության ձեռք մեկնում ու այս անգամ ևս իր բարեկամական աջակցությունն է ցուցաբերում։
Սերբիան Հայաստանին տասը շնչառական սարք, պացիենտի վիճակը հսկող տասը մոնիտոր, հինգ հարյուր հազար վիրահատական ու հարյուր հազար շնչառական դիմակ, քսանհինգ հազար ակնոց, քսանհինգ հազար պաշտպանիչ հանդերձանք և այլ պարագաներ են ուղարկել Հայաստան։
Իրապես, սա անչափ մեծ ու շոշափելի օգնություն է մեր երկրի համար, քանզի անխղճորեն աճող թվերի մեջ անչափ կարևոր է ունենալ պայքարի գործիքներ ու ծառայեցնել դրանք փրկության գործին։ Շնորհակալ ենք բարեկամական սերբ ժողովրդին՝ այս աջակցության համար։
