Կառավարության ընդունած օրենքների թվում էր նաև այս տարվա համար ամառային զորակոչ անցկացնելու, ինչպես նաև զորացրում կատարելու մասին որոշումը: Նորընտիր որոշմամբ սահմանվում է այս տարվա ամառային զինակոչը անցկացնել հուլիսի մեկից սկսած: Գործընթացը կարող է ձգվել մինչև օգոստոսի երեսունը ներառյալ:
Այսպիսով երկամսյա ժամկետում կկազմակերպվի և ավարտին կհասցվի այս տարվա ամառային զորակոչը:
Զորացրման մասին ևս որոշման մեջ ընդգծվում է. այն կկազմակերպվի դարձյալ ամռանը՝ հուլիսի մեկից մինչև օգոստոսի տասնմեկն ընկած ժամանակահատվածում:
Այս տարվա զորակոչի և զորացրման հարցի կազմակերպումը ամենաակտուալներից էր, քանզի իրավիճակային զարգացումները սովորականներից չէին: ՊՆ մամլո խոսնակը տեղեկացնում է, որ նախարարությունը պատրաստվում է մայիսի մեկից սկսել զինակոչի պատրաստության գործընթացները՝ մասնավորապես ախտահանման կամ առհասարակ COVID 19 վարակի ներթափանցմանն ուղղված կանխարգելիչ գործողությունների իրականացման շարքը:
Որոշումն ընդունելիս հաշվի է առնվել նաև ապագա զինվորների ուսումնական գործընթացների ներգրավվածությունը և դրանց ժամկետային սահմանները: ՊՆ մամլո խոսնակի հայտարարությունը ստորև:
