Այս հրաշք թխվածքաբլիթը պատրաստվում են շատ հեշտորեն, բայց համը, իրապես, անմոռանալի է։ Հատկապես յուրահատկություն է տալիս մանդարինը, որը «թաքնված է» յուրաքանչյուր թխվածքաբլիթի մեջ։ Բուրավետ այս հրաշքը պարզապես ստեղծված է ձմեռային երեկոների համար։ Իսկ դարչնով թեյի հետ համադրությունը պարզապես իդեալական կլինի, անպայման փորձեք։
Անհրաժեշտ է
Ալյուր՝ 270գ
Ձու՝ 1հատ
Կարագ՝ 130գ
Շաքարավազ՝ 120գ
Մանդարին՝ 4հատ
Աղ՝ 1պտղ
Ինչպես պատրաստել
Կարագը հարել շաքարավազի և ձվի հետ՝ մինչ միասեռ դառնա։ Ներմուծել ալյուրը և աղը՝ փափուկ խմոր հունցելով։ Խմորը 15րոպեով դնել սառնարանը։ Մանդարինները շերտերի բաժանել՝ հանելով կորիզները։ Խմորը գրտնակել կես սմ հաստությամբ։ Բաժակով կլորներ ձևավորել, յուրաքանչյուրի մեջ դնել մանդարինի շերտը և փակել այն պատառաքաղով։
Թխվածքաբլիթները տեղափոխել ջեռոցի կաղապարի մեջ՝ պատված թղթով։ Թխել նախապես տաքացրած ջեռոցում 20րոպե՝ 180աստիճանի ներքո։ Պատրաստ լինելուն պես ըստ ցանկության ցանել շաքարափոշիով։
