Անչափ ցավալի բոթ․ մահացել է Մարտուն Ադոյանը։ Նա կենաց մահու կռիվ է տվել, բայց երկնային կյանքը հաղթեց։ Ադոյանը նվիրյալ է եղել արվեստի՝ մինչև կյանքի վերջը լինելով «Մոսկվա» կինոթատրոնի տնօրենը։
Արվեստի շրջանում նա հայտնի է որպես հիասքանչ կինոպրոդյուսեր և մշակութային գործիչ, կինեմատոգրաֆիստների ու կինոակադեմիայի անդամ, կինոյի նվիրյալ։ Ադոյանն իր կյանքի գործը կինոն համարեց՝ ջանք ու եռանդ չխնայելով հայաստանյան իրականությունում կինոմշակույթի ու կինոմիջավայրի պահպանման ու զարգացման գործում։
Իր շնորհիվ է, որ ծանր շրջանում, երբ մեր երկիրը ճգնաժամային վիճակում էր, նա պահպանեց երևանյան «Մոսկվա»-ն և գյումրվա «Հոկտեմբեր»-ը։ Նրա շնորհիվ զարգացան մեր երկրում անցկացվող կինոփառատոնները։ Ադոյանի անունն ու անմահ գործը մշտապես կմնան հայ կինոյի էջերում որպես մարդու, ով կյանքը նվիրեց կինոյին ու արվեստին։
Ադոյանի անժամանակ վախճանը մեծագույն ցավ է հայաստանյան արվեստի համար։ Ադոյանի պես նվիրյալները կյանք են դրել արվեստագիտության վրա։
