Ամերիկյան Յուտա նահանգի ոստիկանները կանգնացրել են 5-ամյա երեխային, որը գողացել է ծնողների մեքենան և մեկնել Կալիֆորնիա, որպեսզի գնի Lamborghini։ Այդ գնման համար նա մտադիր էր երեք դոլար ծախսել՝ կարծելով՝ դա բավական է իր ուզած ավտոմեքենայի համար։
Երեխան վիճել էր մայրիկի հետ, քանզի վերջինս հրաժարվել է իր համար մեքենա գնել և որոշել է ինքնուրույն անել դա։ Գողանալով ընտանեկան ավտոմեքենայի բանալին՝ նա մեկնել է Կալիֆորնիա։
Տղային նկատել են ոստիկանները՝ մինչ նա հասցրել է հատել Յուտայի սահմանը։ Սկզբից նրանք կարծել են՝ ղեկին հաշմանդամություն ունեցող մարդ է, քանզի այն կասկածելի դանդաղ էր ընթանում՝ 50 կմ/ժ արագությամբ։
Երբ ոստիկանները կանգնեցրել են ավտոմեքենան, խիստ զարմացել են՝ տեսնելով տղային. նա նստել էր նստարանի ծայրին՝ ոտնակներին հասնելու համար։ Ոստիկաններն օգնել են երեխային կայանել ավտոմեքենան ու կապվել են ծնողների հետ։
