Օրերս համացանցային հարթակներում հայտնվել էին կարանտինային պայմաններից ու սնունդից դժգոհող քաղաքացիների մասին պատմող սյուժեներ, հրապարակումներ:
Այդ ամենն ունեցավ տարատեսակ արձագանք, որն էլ պատճառ հանդիսացավ, որ Առողջապահության փոխնախարարը հրապարակմամբ հայտարարի կարանտինային սահմանափակումների մեջ գտնվող քաղաքացիների կենսապայմանների և սննդակարգի մասին մանրամասն տեղեկություններ:
Աշոտ Սարգսյանը լուսանկարներ էր հրապարակել, որտեղ պատկերված են այն ամենը, ինչ պրվա կտրվածքով տրամադրում է պետությունը մեկուսացման մեջ, պետական հսկողության տակ գտնվող քաղաքացիներին:
Ա. Սարգսյանի այս գրառմանը արձագանքել են նաև այն քաղաքացիները, ովքեր փաստացի գտնվում են կարանտինային վայրերում և օգտվում են պետության տրամադրած սննդակարգից:
Նրանք էլ իրենց հերթին են լուսանկարել իրենց տրամադրված սնունդը և տեղադրել փոխնախարարի հրապարակած գրառման մեկնաբանությունների բաժնում:
Այդպիսով՝ ներկայացվում է պետության հոգատար վերաբերմունքը քաղաքացիների նկատմամբ՝ ժխտելով այն տեղեկությունը, թե կարանտինային վայրերում քաղաքացիները պատշաճ սննդով ու կենսապայմաններով չեն ապահովվում:
