Կյանքից հեռացել է հերոս բժիշկ, օրթոպեդ-ինժեներ Մկրտիչ Գինոսյանը․ նա 58 տարեկան էր: Մարդ, ով երկրորդ կյանք է տվել մեր հերոս զինվորներին, որոնք ապրիլյան քառօրյայի ընթացքում կորցրել են վերջույթները։ Անչափ շատ ժամանակ անցակցնելով տղաների հետ՝ նա եղել է նրանց բժիշկը, հոգեբանն ու ընկերը:
Նա ամեն ինչ արել է՝ բոլորին հնարավորինս լավ պրոթեզավորում անել։ Քառօրյայից հետո նա այցելել է բոլոր զինվորներին՝ նոր կյանքի հույս տալով։
Զրուցելով տղաների հետ՝ տղամարդու պես՝ Գինոսյանը վստահեցրել է տղաներին, որ այնպիսի պրոթեզներ կպատրաստի նրանց համար, որ կկարողանան իրենց լիարժեք զգալ, քայլել, վազել, հեծանիվ քշել։ Տղաները հուզված են․ հերոս-բժիշկն ապրելու նոր շունչ է տվել նրանց։
Գինոսյանը ծնվել է 1961-ի օգոստոսի 13-ին։ Մահացել է մայիսի 6-ի առավոտյան՝ աշխատասենյակում։ Սուրճ խմելուց հետո իրեն վատ է զգացել ու տեղում հանկարծամահ է եղել։
