Հայ աստղերը, որոնք կորոնավիրուսյան ախտի համավարակային այս օրերին հայրենիքում են, հիանալի պրեմիերա են ներկայացրել, որը ժամերի ընթացքում բազում դիտումների է արժանացել։ Կարեն Սևակ Փրըդաքշնի հիասքանչ տեսահոլովակում իսկական աստղաբույլ է հավաքված՝ Սոնա Ռուբենյան, Գարիկ Պապոյան, Արամ MP3, Արամե, Ռոլանդ Գասպարյան, Էրիկ, Նունե Եսայան, Սարո Թովմասյան, Հռիփսիմե Հակոբյան և «Մի Փրոջեքթ»։
«Լավ օրերը ետ կգան» հիանալի երգի ոգեշնչող բառերի հեղինակը Ավետ Բարսեղյանն է, երաժշտությունը՝ Կարեն Սևակի։
Տեսահոլովակը պատմում է կորոնավիրուսյան համավարակային իրավիճակին զրկանքների մասին՝ հուսադրելով՝ ամենը կփոխվի։
Ռեժիսորական անչափ գեղեցիկ լուծում է տրված․ սկզբից տեսահոլովակը սև-սպիտակ է՝ կարմիր ակցենտներով, իսկ ընթացքում գունավորվում է՝ ցուցադրելով՝ մեր օրերն էլ են գունավորվելու, երբ անցնի կորոնավիրուսյան ախտը։
Նման գեղեցիկ ստեղծագործությունը՝ աստղաբույլի կատարմամբ, իրապես անհրաժեշտ է այս՝ հոգեբանորեն ծանր օրերին, երբ մարդիկ նոր-նոր վերադառնում են սահմանափակումներից դուրս կյանքին՝ հուսալով՝ ամեն ինչ լավ է լինելու։
