Կորոնավիրուսյան ախտի կլինիկական արտահայտումը բազմաբնույթ է ու կարող է ախտահանել բոլոր օրգանները, հայտնել է համաճարակաբան Նիկոլայ Բրիկոն։
«Հոսպիտալացվածների թվի ավելի քան 90%-ն ունի թոքաբորբ, ԴՍՎ-համախտանիշ ունի ավելի քան 50%-ը, երիկամների սուր ախտահարում ունի հիվանդների 15%-ը, միոկարդի ախտահարում՝ ավելի քան 20%-ը»,- նշել է բժիշկը՝ ախտահարման նման բազմազանությունը բացատրելով կորոնավիրուսյան ախտով վարակվելու տարբեր միջոցներով։
«ACE2 ռեցեպտորները, որոնց դեպքերի մեծամասնությունում կցվում է հարուցիչը, առկա են շնչուղիների տրակտի, երիկամների, կերակրափողի, միզապարկի, սրտի, ԿՆՀ-ի բջիջների վրա, այդ պատճառով կարող են ախտահարվել մարդու բոլոր օրգաններն ու համակարգերը»,- նշել է Բրիկոն։
Հիշեցնենք՝ կորոնավիրուսյան ախտը պատել է աշխարհի գրեթե բոլոր երկրները՝ վարակակիր դարձնելով ավելի քան 3,2 միլիոն մարդ, որոնցից մոտ 230 հազարին փրկել չի հաջողվել։ Հայաստանն էլ անմասն չի մնացել վարակից՝ հաստատելով ավելի քան 2000 դեպք։
