Նյու Յորքի տարեց բնակչուհին, բուժվելով կորոնավիրուսյան վարակից, կիսվել է ապաքինվելու իր գաղտնիքով, գրում է Associated Press։ 90-ամյա Աննա Ֆորտունատոն նկատել է հիվանդության առաջին ախտանիշները մարտի 13-ին, բայց ուշադրություն չի դարձրել դրան։
«Կոկորդս ցավում էր, բայց սովորական մրսածություն էր։ Ամեն ինչ կարգին կլինի»,- ասել նա դստերը՝ հեռախոսով։
Մի քանի օրից նրա ինքնազգացողությունը վատթարացել է, և նա ստիպված շտապօգնություն է կանչել։
Հիվանդանոցում Ֆորտունատոյի մոտ կորոնավիրուսյան վարակ է հայտնաբերվել։ Ի սկզբանե կանխատեսումները բարենպաստ չէին՝ տարիքի պատճառով։ Բացի այդ, կինը ասթմայով է տառապում, իսկ քրոնիկ հիվանդությունների դեպքում կորոնավիրուսյան ախտն ավելի վտանգավոր է։
Ֆորտունատոն հիվանդանոցում անցկացրել է երկու շաբաթ։ Նրան բուժում էին հակամալարիային դեղամիջոցով՝ հիդրոքսիքլորոխինով, որի արդյունավետությունը, սակայն, չի ապացուցվել։ 13 օրից կինն առողջացել է և դուրս գրվել հիվանդանոցից։ Նա պնդում է՝ հիվանդանոցում նրա առողջացումը հրաշք են համարել։
«Պայքարեք, մի կորցրեք լավատեսությունը և աղոթեք։ Վեր կացեք մահճակալից, մի պառկեք ամբողջ օրը։ Նաև ուզում եմ ասել բոլորին՝ «Եթե ես հաղթահարեցի, դուք էլ կկարողանաք»։
