Առողջապահության նախարար Արսեն Թորոսյանը հիասքանչ լուր է հայտնել, որը, վստահաբար, նոր կյանքի հույս է տալիս։ Կորոնավիրուսյան ախտով տոգորված մեր երկրում քիչ են դրական լուրերը՝ առողջապահության ոլորտից, որոնք կուրախացնեն բոլորին, բայց այսօր անչափ ուրախ լուր ունենք․ բուժկենտրոնները շարունակում են զարգանալ անգամ կորոնավիրուսյան ախտի տարածման ժամանակաշրջանում։
Այս լուրն անչափ կարևոր է, քանզի ուռուցքային ախտերով մարդիկ օրերի հրատապության խնդիր ունեն, ուստի անչափ կարևոր է՝ անդադար աշխատանքը՝ անկախ իրավիճակից։
Արսեն Թորոսյանի զետեղված ռեպորտաժում նշվում է՝ Հայաստանում աննախադեպ թոքային քաղցկեղի ուռուցքի վիրահատություն է կատարվել, որը նախկինում ոչվիրահատական է համարվել, քանզի ուռուցքն անչափ մեծ է եղել։
Միջին տարիքի տղամարդը, բժիշկ-հրաշագործ Արմեն Խանոյանի վիրահատությունից հետո, ապրելու նոր շանս է ստացել․ մինչ այս նա դատապարտված կլիներ մահվան։ Բժշկի խոսքով՝ քաջ գիտակցել են՝ ապրելու միակ շանսն է տղամարդու համար։ Մոտ երկու շաբաթ առաջ վիրահատված պացիենտն արդեն ապաքինվում է։
