Այսօր լրանում է մեծանուն կոմպոզիտորի 100-ամյակը

1 դար առաջ՝ այս օրը, ծնվել է հայտնի կոմպոզիտոր և դաշնակահար Առանո Բաբաջանյանը: Այսօր լրանում է մեծանուն կոմպոզիտորի 100-ամյակը:

Դեռ փոքր տարիքից Առնո Բաբաջանյանն աչքի է ընկել իր յուրահատուկ տաղանդով: Օրերից մեկ օր նրանց մանկապարտեզ է այցելում Արամ Խաչատրյանը և ստուգելով փոքրիկ Առնոյի ընդունակությունները՝ խորհուրդ տալիս կյանքը նվիրել երժշտությանը:

«Մեկ անգամ մեզ մոտ մի հյուր եկավ, նա առաջարկեց մեզ երգել. հեոտ իմացանք, որ մեր ձայնն ու լսողությունն էր ստուգում: Ես էլ մյուս փերեխաների նման երգեցի և ռիթմի տակ ծափ տվեցի: Նա ուշադիր ինձ նայեց ու ասաց, որ երաժշտությունն իմն է: Հետո միայն իմացա, որ այդ հյուրն Արամ Խաչատրյանն էր»,- պատմում էր կոմպոզիտորը:

Առնո Բաբաջանյանn իր գործունեության շրջանակներում մեծ ներդրում է ունեցել հայ երգարվեստի հարստացման գործում՝ երգեր, գործիքային կատարումներ, սիմֆոնիկ երաժշտություն։ Նա ստեղծագործել է տարբեր ոճերով՝ դասական, փոփ, ջազ:

Հայ aզգի սիրելի կոմպոզիտորին անվանում էին «Լույսի և ուրախության կոմպոզիտոր», ով ինչպես նախկինում, այնպես էլ մեր օրորում մնում է հայեցիության մարմնավորում. «Ինչ էլ գրեմ, ստացվում է հայեցի»,- իր մասին խոստովանում է Առնո Բաբաջանյանը:

1983 թվականի նույեմբերի 11-ին հայ մեծանուն կոմպոզիտորը կնքում է իր մահկանացուն:

Понравилась статья? Поделиться с друзьями: