Կորոնավիրուսի մուտքը Հայաստան ստիպեց առողջապահության նախարարությանն անմիջապես ու անհապաղ ձեռնարկել ոչ միայն կանխարգելող գործողություններ, այլև հիվանդներին ըստ պատշաճի և անհրաժեշտության սպասարկելու համար միջոցներ ստեղծել:
Այս նպատակով շատ արագ նախաձեռնվեց նոր հիվանդասենյակների կառուցում: Նոր սպասասենյակների կառուցման համար հարմար վայր ընտրվեց «Նորքի» հիվանդանոցին հարակից տարածքը:
Ճիշտ է՝ նախարարը նախապես տեղեկացրել էր, որ սպասասենյակները պատրաստ կլինեն չորս օրից, սակայն մենք ուղիղ տասն օր անց արդեն ունենք քառասուներկու սենյակ ունեցող մոդուլ, որը արդեն պատրաստ է սպասարկելու վիրուսով վարակված քաղաքացիներին:
Արսեն Թորոսյանն իր պաշտոնական էջում փոքրիկ հոլովակ է հրապարակել, որտեղ արագացված կադրերով երևում է, թե ինչպես է ընթացել և ավարտին հասել հիվանդասենյակների կառուցումը: Հիշեցնենք, որ այս կառույցի արագացված կառուցումը հնարավոր եղավ իրականացնել նախապես հատուկ այս վիրուսի կանխարգելման համար տարվող աշխատանքների արդյունավետ կազմակերպման համար բացված հաշվեհամարին փոխանցված գումարի շնորհիվ:
Ներկայացնում ենք նախարարի տարածած հոլովակը:
🏠 10 օրում ստացանք այս 42 սպասասենյակ ունեցող մոդուլը իրենց ախտորոշմանը սպասող պացիենտների համար։
Опубликовано Arsen Torosyan Четверг, 2 апреля 2020 г.
